موضوع مهم للنقاش - علامات اخر الدنيا

السلام عليكم ورحمة الله وبركاته

بوقت الي توفى بيه النبي محمد عليه افضل الصلاة والسلام

قال الاعور الدجال ان خروجه للدنيا قرب

تخيلو قبل مئات السنين بل قبل الاف السنين بين علامات الاخره..

بالفتره الأخيره هواي افكر بهالموضوع.. وخصوصاً بعد انتشار انفلوانزا الخنازير

من علاماته ايضاً .. انه ميبقى خنازير بالدنيا .. وقريت باكثر من موقع بان اكو بلدان مثل مصر قررو قتل الخنازير الموجوده ببلدهم وفعلاً كَامو بقتل كمية جبيره

مما ادى الى غضب ناس هوايه عايشين على تربيتهم للخنازير وغيرها من الحيوانات .. بس هذا مو موضوعنا

واذا كل دولة طبق هذا القانون أو اصدر هذا القرار فراح يكون التالـي:
الأول : أنه أسوأ من الفواسق التي أمر الرسول صلى الله عليه وسلم بقتلها ، فيقتل من باب أولى.
والثاني: أن النبي صلى الله عليه وسلم أخبر أن عيسى عليه السلام إذا نزل آخر الزمان قتل الخنزير ، وأن هذا من العدل الذي سيقيمه من شريعة محمد صلى الله عليه وسلم

يعني بأختصار .. عيسى عليه السـلام راح ينزل بوقت الي يقتل بيه الخنازير .. او بعده .. المهم قريب..!

وعلامه ثانية هو..
ان المكة راح تكون مهجوره..
وشفنا بأن الحجاج هالسنة جانت اقل بهوايه .. بسبب انفلوانزا الخنازير

واذا بقى الحال على ماهو عليه .. راح يصير الأسوء ويكون فعلاً مهجوره خلال كم سنة!!

بديت من صدك اخاف وارتعب من افكـر بالموضوع
وحبيت اشارككم تفكيري واشوف أرائكم حول الموضوع

برأيكم تفكيري بيه مبالغة ؟ او بيه شيء من المصداقية؟

انتظر ردودكم اصدقائي

تحياتي وتقديري لكم

والله هموسه
انت كلتي الي بكلي
تفكريج مابي اي نوع من المبالغه نهائيا
بالعكس هاي حقيقه ولازم نؤمن بيها
لان العلامات الي كال عليها النبي محمد (ص)
دتظهر في الاونه الاخيره
غير انفلونزه الخنازير وهجر مكه وظهور الدجاال
من علاماتها ايضا
كثر الموت وماشاء الله الي ديصير بالعراق
ميفوت يوم اذا مو 100 شخص ميت

اسفه على الاطاله
موضوعج مميز عزيزتي هموسه
تقبلي مروري البسيط
تحيتي

لا بالعكس سمسم كل مبالغة ماكو و كلام معقول يعني فعلاً الاشياء الدتصير مذكورة بالكتب السماوية المقدسة
ان شاء الله ميصير اسواء من الي احنه بي هسه
اسف سمسم على ردي القصير و شكراً جزيلاً على هذا المجهود