وين الكَاك يل حبك سكن بالروح الك مشتااكَـ

الك مشتاگ يل حبك سكن بالروح
ويهزني الشوگ الك كل لحظة لملگاك
الك حنيت ولايامنا الحلوات
واذكرها بالم جمعتنه انه وياك
يل كلي الك من الجدم للراس
دقنعني حبيبي اشلون انه انساك
جنت بحلمي اشوفك من انام الليل
هسه شلون اشوفك عقلي جن بجفاك
والگلك نسيتك هذا هم بطران
لأن للموت احبك وانكتل بهواك
وخل الناس تحجي وخل تگول اشكال
اذا انته تحبنــي خذهم بيمنـــاك
دگلي شوكت اشوفك يا بعد هالروح
تصيب الجسم رجفــة من يمر طرواك
احبــك ما أملك ما أعوفك يــوم
وعلى جسمك جفوفي أتمنى بس تنحاك
واحط راسي اعله صـــدرك
وتمسح دمع عيني الجاري بيمناك
بعيد انته عليه ولادرب وامشيه
وتهيتك حبيبي ووين انه الكاك
احط عمري برساله وگلبي طابع شوك
وأودي الروح لجلك بس تگلك هاك

الله الله نور العين اختيار رائع

كلمات كلش حلوة حبيبتي

عاشت ايدج على النقلة المميزة ..

دمتي لنا ..

Method كتب:: الله الله نور العين اختيار رائع

شكرآ الك ولحضورك الجميل
نورررت صفحتي
تحياتي لك

M!sS D!oR كتب:: كلمات كلش حلوة حبيبتي

عاشت ايدج على النقلة المميزة ..

دمتي لنا ..

تسلمين قلبي على تواجدكِ الدائم
عطرتيصفحتي بمروركِ الجميل
تحياتي لكِ